Ulttyq qaýipsizdik komıteti Shekara qyzmetiniń «Ońtústik» óńirlik basqarmasynyń bir top qyzmetkeri Uly Jeńistiń 70 jyldyǵy qarsańynda oblystaǵy «Erlik» murajaıyna kelip, jaýyngerler rýhyna taǵzym etti. «Batyr babalarǵa taǵzym» dep atalatyn sharaǵa áskerılerden bólek, olardyń otbasylary da qatysty.
Kúndeı kúrkirep ótken soǵys lańy jaraly júrekterden jazylǵan joq. Soǵysta habarsyz ketken jaýyngerlerdiń deregi áli tabylyp jatyr. Olar jasaǵan erlikter de jınaqtalýda.
Murajaı meńgerýshisi Aqmaral Qudaıbergenova osyndaı derektermen qatar, jyl boıy Jeńistiń 70 jyldyǵyna baılanysty atqarylatyn is-sharalardyń birparasyn aıtyp ótti.
«Ońtústik» óńirlik basqarmasynyń da Jeńis sarbazdaryna laıyqtaǵan tosyn syıy bar eken. Ony mereke kezinde maıdangerlerge tartý etetindikterin jetkizdi.
Baqtııar TAIJAN,
«Egemen Qazaqstan».
ShYMKENT.